Ракометниот клуб Бутел Скопје продолжува со задржување на костурот на тимот за наредните сезони, а најнов ракометар кој ја продолжи верноста кон клубот е Стефан Зенговски.
Десното крило стави потпис на нов двегодишен договор и ќе го носи дресот на Бутел Скопје најмалку до летото 2028 година.
Зенговски, покрај настапите за младинските категории, во изминатиот период се наметна и како дел од сениорскиот состав, а со новиот договор ќе продолжи да придонесува во развојот на тимот.
Бутел Скопје летово прави промени и го комплетира ростерот за новата сезона, во која ќе влезе под водство на новиот тренер Стојанче Стоилов.
