Второлигашот Пелистер интензивно се подготвува за почетокот на новата сезона, а раководството на клубот го комплетираше и стручниот штаб кој ќе биде задолжен за работата со тимот во претстојниот шампионат.
Главниот тренер на стучниот штаб ќе биде Борче Христов, кој во новата сезона ќе има поддршка од искусен тим соработници. Функцијата прв асистент ќе ја извршува Трајче Стојковски, додека втор асистент ќе биде Горан Ганчев. За работата со голманите ќе се грижи Илче Петровски, а за физичката подготвеност на фудбалерите ќе биде задолжен кондициониот тренер Саше Велјановски.
Со комплетираниот стручен штаб, битолчани продолжуваат со подготовките, со цел екипата максимално подготвена да го дочека стартот на новата второлигашка сезона и да ги оствари зацртаните амбиции, а тоа е враќање во ПМФЛ.
