Синоќа беа одиграни четвртфиналните натпревари од турнирот во мал фудбал „Враништа 2026“, а на кои како по традиција одново многу погодоци за уживање за многубројната публика, која и синоќа уживаше во добри натпревари.
Првиот меч беше вистинска „експлозија“ од погодоци – Инекс Олгица со 10:4 славеше огромен триумф над Охридски бисер Филеви.
Во вториот меч само еден погодок го реши победникот, откако Кафе Бар 9 со минимални 1:0 славеше над Екстра Скопско и закажа полуфинален.
Во третиот меч Чардак Велгошти имаше сигурен триумф од 4:2 над Златара Бени и Ерол, а пак третиот меч беше неизвесен откако фаворитот АСП Пак со тесни 3:2 го доби Никем за полуфинале.
Вечерва се играат полуфиналните натпревари. Првиот меч стартува во 21:30 часот каде Чардак Велгошти оди на мегдан со Кафе Бар 9, а еден час подоцна односно во 22:30 часот Инекс Олгица ќе се соочи со АСП Пак.
И синоќа одново имаше голем број на публика, која следеше атрактивни натпревари, а организацијата одново е на високо ниво.
Спортска Мрежа и годинава е медиумски покровител на овој спортски настан, кој зад себе има голема традиција.
