На стадионот Македонски Лавови во Скопје успешно заврши меѓународниот турнир „NEW STARS TOURNAMENT 2026“, кој уште еднаш покажа дека детскиот фудбал носи посебна енергија, искрени емоции и пријателства што остануваат засекогаш.
Во организација на FC New Stars, на турнирот настапија повеќе од 500 деца од различни клубови, градови и држави, во генерациите 2015, 2016, 2017 и 2018. Во текот на целиот ден терените беа исполнети со насмевки, спортски дух, фер-плеј и голем број возбудливи натпревари.
Овој турнир имаше и дополнително значење за домаќините, бидејќи клубот прослави 15 години постоење — 15 години работа со млади фудбалери, создавање таленти и градење на препознатливата NEW STARS FAMILY приказна.
Титулите на овогодинешното издание ги освоија:
Овче Поле
Еуроспорт
Шампион Лесковац
Њу Старс
Одличен настап и забележителен пласман остварија и екипите Akademija 23, Smiljkovci, Pandev, Maradona, Teteks, Železara…
Комплетните пласмани и освоените AFT поени може да се погледнат на овој линк.
NEW STARS TOURNAMENT 2026 уште еднаш потврди дека Скопје е важна точка на регионалната мапа на младински фудбалски турнири. Организацијата, атмосферата и големиот број насмеани деца создадоа вистинска спортска приказна, а од клубот домаќин испратија јасна порака дека продолжуваат уште посилно, со истата љубов кон фудбалот што ја градат веќе 15 години.
