Ракометната федерација на Македонија одново се одлучи домаќин во баражот за Супер лигата да биде Прилеп, каде в среда од 20 часот ќе се соочат Младост од Богданци и Струга.
Екипата од Богданци заврши на второто место во Првата лига и ќе мора по потешкиот пат односо преку бараж да бара влез во елитата, а пак стружани ќе се борат за опстанок втора година по ред.
“Паткарите” и минатата сезона играа бараж токму во Прилеп против Мулти Есенс совладувајќи го за опстанок.
Екипи имаат неколку денови за финални подготовки, атмосферата се загрева, а навивачите се подготвуваат организирано да заминат во Прилеп и да даваат силна поддршка од трибината.
