ФК Овче Поле генерација 2015 во одлична атмосфера и со нов голем успех ќе пристигне на „Охрид Куп 2026“, откако младите фудбалери неодамна блеснаа на меѓународниот турнир „New Stars 2026“ во Скопје и го освоија првото место.
Младите надежи на клубот покажаа одлична игра, голема борбеност, дисциплина и вистински тимски дух во текот на целиот турнир, достојно претставувајќи го клубот и оставајќи силен впечаток со своите настапи.
Индивидуалните признанија исто така завршија во редовите на Овче Поле. За најдобар играч на турнирот беше прогласен Лука Радев, додека Тино Николов се закити со признанието за најдобар стрелец со најмногу постигнати погодоци. Наградата за фер-плеј играч му припадна на Јоаким Колев.
Од ФК Овче Поле посочуваат дека покрај резултатите, најважно е што децата уживале во фудбалот, дружењето и новите пријателства.
„Покрај постигнатиот резултат, најважно е што децата уживаа во дружењето, стекнаа нови пријателства и поминаа прекрасни моменти исполнети со спорт, позитивна енергија и забава. Со нетрпение го очекуваме учеството на Охрид Куп 2026“, велат од ФК Овче Поле.
Со вакви резултати, талент и ентузијазам, оваа генерација на ФК Овче Поле најавува уште многу успеси во иднина.
