Во тек се пријавите за меморијалниот турнир „Крсте Велјанов 2026“ во Неготино

Во тек е пријавувањето за традиционалниот меморијален турнир во мал фудбал „Крсте Велјанов 2026“, кој и ова лето ќе се одржи на вештачкото игралиште Саат Кула, во Неготино.

Турнирот официјално стартува на 5 јуни, додека ждрепката за натпреварувањето е закажана за 4 јуни. Натпреварите ќе се играат според футсал правила во формат 4+1, а организаторите најавуваат уште едно квалитетно и возбудливо издание со голем број екипи и одлична атмосфера.

За најдобрите екипи обезбедени се вредни парични награди. Победникот ќе освои 80.000 денари, второто место носи 40.000 денари, третопласираната екипа ќе добие 20.000 денари, додека за четвртото место следуваат 10.000 денари.

Ќе бидат доделени и индивидуални признанија за најдобар играч, најдобар стрелец и најдобар голман на турнирот.

Котизацијата за учество изнесува 4.000 денари, а сите заинтересирани екипи можат да се пријават на телефонскиот број 075 207 240 кај Бојан.

Спортска Мрежа, како и во претходните години, така и годинава медиумски ќе го поддржи меморијалниот турнир „Крсте Велјанов 2026“ и ќе известува за сите случувања, резултати и најинтересни моменти од турнирот.