Градско дерби во Кавадарци, супер-дерби на Шкупи и Форца, Бутел ќе бара прва победа!

Продолжен викенд во Првата футсал лига, деветтата рунда ќе се отвир денес, а ќе се комплетира дури следната среда (11. декември)

Вечерва во 20:30 часот Проект како домаќин овој пат ќе игра во Велес и ќе ги одмери силите со Јувенту Серава. Домаќинот ќе биде фаворит на овој меч, а ќе бара брзо враќање на победничките патеки откако во претходното коло го загуби дербито од шампионот и лидер Форца. Јувентус Серава на овој меч ќе цели на три бодови и прогрес кон средината од табелата.

Во сабота Бутел и Кеги Моби ќе играат дерби од долниот дел на табелата каде Бутел ќе бара прва победа, а пак велешкиот тим ќе сака триумф за да се зацврстува во средишниот дел на табелата.

Во недела ќе бидат одиграни два натпревари. Супер-дербито на колото го играат второпласираниот Шкупи и шампионот Форца односно лидерот на табелата.

Трите бодови се императив и за двете екипи, Форца засега е единствениот непоразен тим, а пак Шкупи во директната пресметка сака триумф за да се израмни со Форца на врвот од табелата.

Железарец на домашен терен ќе го пречека тимот на Осогово во соочување каде и двете екипи во претходното коло претрпеа високи порази, па сега ќе бараат враќање на победничките патеки.

Колото ќе се комплетира дури во среда (11. декември) со Градското дерби во Кавадарци меѓу Клими и Црна Река, каде Клими со три бодови ќе го напаѓа петтото место, но со тоа и би се зацврстил во средината од табелата, а пак Црна Река со триумф ќе се одлепи од опасната зона.

• НАЈАВА НА 9. КОЛО ВО ПРВАТА ФУТСАЛ ЛИГА: