Фудбалерите на Силекс синоќа со минимални 1:0 славеа над Шкендија во големото финале од 34. издание на Купот на Македонија.
Голот на Ади Алиќ тимот на Александар Васоски во шесто финале стигна до четвртата Куп титула.
Првата Куп титула Силекс ја освои во далечната 1994 година, кога славеше над Пелистер преку пенал рулетот со 4:2, во регуларниот дел беше 1:1:
Следната година (1995) Силекс го играше своето второ финале, но загуби од Вардар со резултат од 2:1.
Во 1997 година Силекс обезбеди свое трето Куп финале за втора Куп титула триумфирајќи со високи 4:1 над Слога Југомагнат.
По долг пост тимот од Кратово во 2021 година го играше своето четврто Куп финале кога славеше над Академија Пандев во пенал рулетот со 4:3 по чистите мрежи во регуларниот дел (0:0).
Петтото финале за Силекс беше веќе следната година односно 2022, кога по чистите мрежи (0:0) во пенал-рулетот тимот од Кратово загуби од Македонија ЃП со 4:3.
Во своето шест Куп финале синоќа Силекс со минимални 1:0 ја доби Шкендија.
Најтрофеен тим во Купот на Македонија е Вардар со шест титула, Силекс се израмни на второто место со по четири Куп титули колку што има и Работнички.
