Денес ќе бидат одиграни три натпревари од 31. коло на Првата македонска фудбалска лига во Битола, Скопје и Тетово.
Во Битола се игра мечот меѓу Пелистер и Шкупи, каде главен судија ќе биде Стојанче Трпчевски, а негови помошници ќе бидат Драган Трпчевски и Душко Панов, а пак четврт судија е Владимир Ѓорѓиевски.
Во ВАР собата ќе бидат Бењамин Ќерими и Мартин Петковски, а пак оператор за повторување на снимка е Жарко Пејковски.
Делегат на средбата која стартува во 16 часот е Иван Матевски, а контролор ќе биде Игор Ширилов.
Фатмир Бафто ќе го суди дербито меѓу Вардар и Силекс кое се игра на Националната арена „Тодор Проески“ во Скопје. Помошници ќе бидат Мишо Ѓорѓиески и Климент Ристоски, а пак четврт судија е Марјан Стојановски.
ВАР судија ќе биде Александар Грујоски, АВАР е Вјолца Изеири, а пак оператор за повторување на снимка е Петар Мукоски.
Делегат на мечот кој стартува во 16 часот е Кочо Зердески, а контролор е Делчо Јакимовски.
Дербито во Тетово меѓу Шкендија и Струга Трим Лум ќе го суди Доне Ристовски, а ќе му помагаат Тоше Ицев и Роберт Црвенов, а пак Игор Иванов ќе биде четврт судија.
Во ВАР собата ќе бидат Влатко Илиоски и Борис Трајков, а пак Деан Стефков ќе биде оператор за повторување на снимка.
Делегат на мечот ќе биде Слаѓан Божиновски, а пак контролор на средбата која стартува во 16 часот ќе биде Дејан Јакимовски.
