Претпоследното, 29. коло од Втората македонска фудбалска лига носи натпревари со огромно резултатско значење, особено во Кочани каде Брегалница сака само три бодови против Осогово, а пак Охрид мора да го добие Детонит Плачковица во трката за прволигашки бараж.
Веќе се познати и судиите кои ќе ја делат правдата на сите натпревари.
На стадионот во Кочани, каде Осогово ќе го пречека лидерот Брегалница, главен судија ќе биде Игор Стојчевски. Нему ќе му асистираат Горан Милошевски и Александар Николоски, додека четврти судија е Дејан Младеновски. Делегат на средбата е Зоран Златановски, контролор Игор Ширилов, а за овој натпревар е делегиран и комесар за безбедност на ФФМ, а тоа е Славко Дукоски.
Во Радовиш, на мечот меѓу Детонит Плачковица и Охрид, кој исто така може директно да влијае на трката за бараж за Прва лига, правдата ќе ја дели Марјан Стојановски. Негови помошници ќе бидат Куштрим Лика и Осман Зекири, четврти судија е Бенарт Зекири, делегат Беким Шеји, а контролор Ѓорги Карајанов.
Шкендија Арачиво ќе го пречека Новаци во обид да остане во трката за баражот. Главен судија на оваа средба е Стојанче Трпчевски, а покрај него ќе бидат Душко Панов и Давор Дишлиевски како помошници. Нинослав Нанков е четврти судија, Христијан Димоски делегат, а Бранко Величковски контролор.
Комесар за безбедност на ФФМ за овој меч е Атанас Ризов.
Во Гевгелија, каде Кожуф ќе игра против Тетекс, главен арбитар ќе биде Кирил Смоквоски. Помошници ќе му бидат Иле Мишески и Дино Конески, додека Виолета Јанчева е назначена за четврти судија. Делегат е Жанко Савов, а контролор Горан Манасиев.
На дуелот Победа – Вардар Неготино во Прилеп, правдата ќе ја дели Ангел Гелов. Негови асистенти ќе бидат Петар Арсовски и Шенол Шаботиќ, четврти судија е Борче Павловиќ, делегат Аки Шукрија, а контролор Злате Лозаноски.
Беласица на домашен терен ќе се соочи со Каменица Саса, а главен судија на овој меч ќе биде Блаже Петковски. Кирил Манчев и Петар Манчев се назначени за помошници, Јордан Јовановски ќе биде четврти судија, Сафет Мифтари делегат, а Коле Василев контролор.
Во Виница, каде Слога ќе ја пречека Преспа, за главен судија е одреден Здравко Костовски. Помошници ќе му бидат Петар Михаилов и Кирил Јованов, четврти судија е Дарко Стојанов, делегат Ненад Маркоски, а контролор Горан Ангелески.
Во Големо Коњари, каде Скопје ќе гостува кај истоимената екипа., главен судија ќе биде Александар Урошевиќ, а покрај него ќе бидат Хабиљ Љиворека и Метин Османи како помошници. Бардхиљ Ибраими ќе ја има улогата на четврти судија, Лазар Проданов е делегат, а Зоранчо Илиевски контролор.
Сите натпревари ќе започнат во 16:30 часот.
