Прволигашот Тиквеш од Кавадарци одлучни да направи голема чистка, откако по одржувањето на денешниот состанок на Акционерското друштво на ГФК Тиквеш, биле донесени неколку одлуки со кои се става крај на соработката со стручниот штаб.
Клубот го раскинува договорот со шефот на стручниот штаб, Борче Христов и неговите помошници Трајче Стојковски, Ванче Шиков и Баже Левков, а раскинат е договорот и со спортскиот директор Љупчо Трајковски.
Според соопштението, од утре целокупното раководење со клубот ќе го преземе сопственикот Цезар Браво, кој ќе го води Тиквеш до крајот на актуелната сезона. Од клубот потенцираат дека ќе продолжат да функционираат професионално и во интерес на навивачите, со фокус на стабилност и напредок.
„По одржување на денешниот состанок на Акционерското друштво на ГФК Тиквеш, се донесоа следните одлуки:
• Се раскинува договорот со шефот на стручниот штаб, Борче Христов.
• Се раскинуваат договорите со асистентите тренери: Трајче Стојковски, Ванче Шиков и Баже Левков.
• Се раскинува договорот со спортскиот директор, Љупчо Трајковски.
Од утре, целокупното раководење со клубот ќе го преземе сопственикот Цезер Браво, кој ќе раководи со клубот до крајот на актуелната сезона.
Клубот и понатаму ќе продолжи да функционира чесно, професионално и во интерес на сите љубители и поддржувачи на ГФК Тиквеш, со јасна цел – стабилност и напредок до крајот на сезоната.
Клубот им се заблагодарува на шефот на стручниот штаб, неговите асистенти, како и на Спортскиот Директор за нивниот ангажман и придонес во изминатиот период и им посакува многу успех во понатамошната кариера“, се вели во соопштението на клубот.
