Охрид испиша историја со пласман во финалето на ЕХФ Европскиот куп, откако по драматичен реванш и пенали го елиминираше Целје.
Капитенот на Охрид, крилото Гоце Ојлески, во изјава за Спортска Мрежа истакна дека клучно било тоа што тимот останал смирен до самиот крај, иако се соочил со силен противник. Тој потенцираше дека, и покрај тоа што среќата делумно била на страната на Охрид, триумфот е заслужен, а фокусот сега се префрла кон одмор, домашното првенство и подготовка за финалниот двомеч со Татабања.
„Најпрво честитки за момците, за тоа што останавме смирени до крај. Знаевме дека ќе биде тежок меч и дека Целје е навистина добар тим, добра екипа којашто игра добар ракомет. Мислам дека на крај можеби ете, среќата повеќе нè послужи нас, но сепак победата е сосема заслужена. Рано е да зборуваме за финалето, најпрво треба да се одмориме, ни следуваат натпревари во домашното првенство. Татабања е добар тим, финале е финале.. ќе пробаме добро да се одмориме и анализираме , да се подготвиме што подобро, па зошто и да не го освоиме Купот.“- изјави Ојлески за Спортска Мрежа.
Охрид сега го очекува финалниот двомеч против Татабања на крајот од мај, каде македонскиот тим ќе има можност да се бори за европскиот трофеј.
