Натпреварот од 17. коло на Трета лига – Исток меѓу Хоризонт Турново и Брегалница од Делчево заврши со резултат од 1:1, но сепак турновци овој меч го добија со службени 3:0 и добиваат службени три бодови, а тоа направи промена на табелата.
Како што претходно објави Спортска Мрежа, веднаш по натпреварот Хоризонт Турново најави жалба, која беше поднесена, а во која клубот потенцираше дека Брегалница Делчево направила измена во 9. минута од натпреварот, кога е извршена измена на играчот со број 16 кој е младинец, а во игра влегува играчот со број 42, со што екипата на Брегалница од Делчево ги прекршила правилата и пропозициите за натпреварување каде натпреварот го започнува со тројца младинци, а првото полувреме го завршува со двајца младинци, т.е. во деветтата минута го извадила младинецот, а во игра влегол фудбалер кој не е младинец.
Жалбата на Хоризонт Турново беше прифатена и мечот со Брегалница Делчево е регистриран со службени 3:0, по одлука на Натпреварувачката комисија на ТМФЛ – Исток, со што сега тимот од Турново е на третото место со 31 бод, шест помалку од лидерот Овче Поле, кој е прв со 37 бодови.
- ЦЕЛА ТАБЕЛА ВО ТРЕТА ЛИГА – ИСТОК:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ЗС ОВЧЕ ПОЛЕ ➖ | 15 | 12 | 1 | 2 | 45 | 18 | +27 | 37 |
| 2 | ФК ПОБЕДА Валандово 🔼 | 13 | 10 | 2 | 1 | 34 | 9 | +25 | 32 |
| 3 | ФК ХОРИЗОНТ ТУРНОВО АД ➖ | 15 | 9 | 4 | 2 | 42 | 22 | +20 | 31 |
| 4 | ФК УДАРНИК ➖ | 13 | 8 | 2 | 3 | 32 | 18 | +14 | 26 |
| 5 | ФК Брегалница 1926 ➖ | 14 | 5 | 3 | 6 | 20 | 20 | 0 | 18 |
| 6 | ФК ТИВЕРИЈА ➖ | 14 | 5 | 1 | 8 | 31 | 33 | -2 | 16 |
| 7 | ФК КАРБИНЦИ ➖ | 14 | 3 | 5 | 6 | 17 | 21 | -4 | 14 |
| 8 | ОФК МАЛЕШ ➖ | 14 | 3 | 3 | 8 | 16 | 35 | -19 | 12 |
| 9 | ФК ДОЈРАНСКО ЕЗЕРО ➖ | 16 | 1 | 3 | 12 | 16 | 55 | -39 | 6 |
| 10 | ФК РУДАР 1947 Пробиштип (-9) ➖ | 10 | 3 | 2 | 5 | 12 | 14 | -2 | 2 |
| 11 | ФК СВЕТЛОСТ ЗРНОВЦИ (-9) ➖ | 10 | 0 | 4 | 6 | 12 | 32 | -20 | -5 |
