Некогашниот прволигаш Борец славеше убедлива победа во дербито на 22. коло против Превалец со 0:4 и веќе сите дилеми се решени во Трета лига – Југ.
Многу брзо беше „скршен“ домаќинот откако Стефан Филиповски по само четири минути игра погоди за 0:1, а веќе во 10. минута со голот на Марко Миловановиќ велешани имаа двојна предност со која заминаа и на пауза.
Ниту во вториот дел Превалец не успеа да претвори шанса во гол, а во 65. минута Миловановиќ погоди за три гола предност со него втор гол, а во 82. минута Даниел Иванов ги постави конечните 0:4.
Сега тимот на Борец има плус шест бодови и може да се загрева за баражот за Втора лига.
Башкими од Јаболчиште славеше со 3:1 над Ултрас преку погодоците на Китановски, Арифов и Јахја, а пак за гостинот единствен стрелец беше Ристески.
Тополка освои три бодови на гостувањето во Крушево каде со 1:3 славеше над Питу Гули во меч каде Ангел Гаштев беше двоен стрелец за гостинот, а еден гол постигна Лука Северов, а пак за домаќинот единствен стрелец беше Оливер Велевски.
Трите бодови останаа во Мало Коњари откако Млекар со 3:2 го доби Бучин, каде за домаќинот Трајкоски по четири минути погоди за отварање на резултатот, а погодија и Ачкоски и Нешкоски, а за гостинот Бојан Мицески беше двоен стрелец.
Конечно радост за Росоман кој со 4:5 славеше над Младост во Кривогаштани. Стрелец на сите четири погодоци за Младост беше Жарко Јанчески, за Росоман стрелци беа Кадир Куртишов со три гола и Роналдо Фазлиов со два гола.
