Без изненадување во 22. коло на Првата ракометна лига, фаворитите одиграа според планот.
Младост од Богданци стигна до својата 19-та сезонска победа откако на домашен терен со 36:19 без проблеми го декласираше Текстилец од Штип.
Од самиот почеток четата на Горан Андоновски даде до знаење дека нема простор ниту за егал на момент, а до големото славје Младост стигна преку Даниел Андоновски и Лазар Адамовиќ кои постигнаа по седум гола.
За тимот од Штип Со по четири гола се издвоија Милислав Петров и Јован Величков.
Драчево Јуниор доби службени бодови од мечот со откажаниот Кичево.
Лидерот Мулти Есенс без проблем го декласираше тимот на Јехона со 44:27. Јулијан Матевски имаше 11 гола за скопскиот тим, а пак за гостинот го Гостивр прво име беше Адис Салиу со седум гола.
Убедлива победа имаше и Овче Поле на домашен терен од 33:25 над Шампион. Прв стрелец кај домашните беше Александар Димитров, а кај гостинот Давид Јовчевски постигна десет гола, но не доволно за поволен резултат.
Вардар Неготино со 35:22 ја декласираше Преспа, а 17 гола постинга Ѓорѓи Орешков, практично сам го реши мечот. За гостинот од Ресен со осум гола прв стрелец беше Христијан Ристевски.
