Екипата на Новаци ја оправда фаворитската улога откако со 1:2 славеше над Големо Коњари во гостински терен, за комплетирање на 25. коло на Втората македонска фудбалска лига.
Со овој триумф Новаци има 43 бодови и останува на осмото место на табелата, но ја зголемува бодовната разлика од бараж зоната на плус седум, а пак Големо Коњари кој пред три кола испадна во Трета лига – Југ е на дното со седум бодови.
Резултатот го отвори Христијан Драгарски во 6. минута за водство на тимот на Дарко Крстески од 0:1 резултат со кој се замина на полувреме. Во вториот дел Стефан Јовановски во 57. минута Стефан Јовановски погоди за двојна предност.
Од слободен удар во судиското надополнување на мечот Ѓорѓи Стрезовски погоди за ублажување на поразот од 2:1.
Во следното коло Новаци на домашен терен ќе игра со Детонит Плачковица, а Големо Коњари ќе гостува кај Каменица Саса.
