Второто коло во Плеј-аут зоната носи уште три натпревари, во кои треба да биде, веројатно уште појасно, која ќе биде третата екипа која во наредната натпреварувачка сезона ќе се пресели во понискиот ранг на натпреварување – Првата македонска лига.
По она првото, екипите на Чаир 2030 и на МКК Куманово, „побегнаа“ уште еден чекор од онааа „опасна зона“.
Истото, дури и повеќе од тоа го направија и кошаркарите на Работнички, кои по дуелот и победата против директниот конкурент, Феникс 2010, сега се два чекори понапред.
И сега им е неопходно да триумфираат уште на некој натпревар во преостанатите четири, и да чекаат неуспех на екипите кои се на местата под нивното, особено на Феникс 2010.
А прва таква шанса им се отвора веќе во сабота навечер (18.часот), на гостински терен, во Гостивар. против домашниот тим, чиј моментален скор (6-17), не е доволен за вмешување во трката за опстанување во оваа конкуренција во која е и екипата на Феникс 2010, која во овој круг од натпреварите има гостување кај последнопласираниот тим на Ангели, во меч кој е закажан за сабота, од 17.часот, во салата „Независна Македонија“ во Скопје.
