Јувентус Серава вечерва славеше голема победа над ланскиот шампион Форца со резултат од 6:5 во воведниот меч на 16. коло на Првата футсал лига.
Играч на мечот беше Осман Мустафа кој постигна четири гола за Јувентус Серава обезбедувајќи ги практично трите бодови. Да погодоци за домашниот тим имаше Бејтула Јакупи.
За гостинската екипа од Куманово по два гола постигнаа Јасир Зекири и Еркан Алиу, а еден гол постигна Берат Рамадани.
До комплетирањето на колото Јувентус Серава со 20 бодови ќе биде на четвртото место, а Форца останува трета со 28 бодови.
Со победата на Јувентус Серава значи дека Балкан испаѓа во Втора лига, дебитантот е на дното со девет бодови, а има и девет бодови негатива од зоната за директен опстанок.
