Делегирани судиите за 18. коло во Третата македонска фудбалска лига – Запад, а кое коло се отвара утре со еден меч, а ќе се комплетира в недела со останатите дуели.
Утре се игра мечот меѓу Ренова и Џепчишти, а за правдата е задолжен Дарко Радески, негови помошници ќе бидат Метин Османи и Серкан Зејнели.
Делегат на средбата која стартува во 15:30 часот ќе биде Фатмир Салаи, а контролор е Реџеп Дерала.
В недела се играат останатите средби. Од 14 часот во Брвеница се игра дербито меѓу Вардар и лидерот Камјани, каде поради тежината на мечот делегирани се прволигашки судии, а ќе има и четврт судија.
Главен судија е Фуркан Идризи, негови помошници се Хабиљ Љиворека и Имран Абази, а пак Идриз Идризи е четврт судија.
Делегат на средбата е Даут Алими, а контролор е Музафер Исмаили.
Мечот во Кичево меѓу Напредок и Доброшти ќе го суди Бенарт Зеќири, а ќе му помагаат Осман Зеќири и Вел Абдиу, додека пак делегат е Ариф Алими, а контролор Радован Јованоски.
Во Порој се игра мечот меѓу Скедербеу и Дрита, а правда ќе дели Бардхиљ Ибраими, додека пак покрај аут линиите ќе бидат Александар Ѓорѓески и Генти Идризи.
Делегат ќе биде Насер Есати, а контролор на овој меч ќе биде Андан Идризи, а стартот е во 15:30 часот.
Во Големо Речица ќе се одигра мечот меѓу Речица и Љуботен, а главен судија овде ќе биде Беким Селими, додека пак негови асистенти се Орхан Сабрии и Идрис Сали.
Делегат е Мујдин Љиворека, а пак контролор на овој меч кој стартува во 15 часот е Ѓулниар Јонузи.
