За во недела се закажани натпреварите од 17. коло на Трета лига – Исток, познати се и судиите кои ќе бидат задолжени да ја делат правдата.
Во Берово се игра натпреварот меѓу Малеш и Карбинци, каде главен судија ќе биде Тодор Апостолов, а ќе му помагаат Мики Ѓеоргиевски и Игорче Богатинов. Делегат ќе биде Гоце Димитров, а контролор Горан Ѓоргиев.
На стадионот „Кукуш“ ќе се соочат два поранешни прволигаш – Хоризонт Турново домаќин на Брегалница од Делчево. Правдата ќе ја дели Борче Коцев, а ќе му асистираат Андон Михајлов и Живко Прочков.
Ристо Крстов е делегат, а контролор на оваа средба ќе биде Илија Стефанов.
Во Дојран ќе се одигра дерби на Југот меѓу Дојранско Езеро и Победа Валандово, иако формата на домаќинот не е идеална, а гостинот ќе биде фаворит, сепак се игра за престиж.
Правдата му е доверена на Игор Филипов, а негови помошници ќе бидат Николче Симонов и Ристе Бојчев. Делегат ќе биде Миле Костов, а контролор Тони Манчев.
Екипите на Ударник и Овче Поле ќе бидат слободни во рамки на оваа коло.
