Овој викенд ќе се играат мечевите од 25. коло на Втората македонска фудбалска лига, утре на програмата се седум мечеви, а еден е во недела.
Дербито во Радовиш меѓу Детонит Плачковица и Брегалница го доби Стојанче Трпчевски, кој ќе суди трето дерби на „сините“ претходно со Скопје во Автокоманда и со Шкендија Арачиново во Сингелиќ.
Помошници на Трпчевски во Радовиш ќе бидат Драган Трпчевски и Душко Панов, а пак Ангел Гелов ќе биде четврт судија. Делегат на мечот ќе биде Цветко Костовски, а пак Благој Шуклев е контролор.
Иле Никодиноски ќе биде главен судија на мечот меѓу Шкендија Арачиново и Победа, а помошници се Шенол Шаботиќ и Александар Николоски, а Ненад Тодоровски е четврт судија.
Тони Петков е делегат, а контролор на „Борис Трајковски“ во Маџари ќе биде Никола Божиновски.
Во Кочани се игра мечот меѓу Осогово и Тетекс, каде Јордан Јовановски ќе дели правда, а ќе му асистираат Иван Танев и Стефан Митров, а четврт судија е Блаже Петковски.
Цане Будимов е делегат, а контролор ќе биде Бранко Величковски.
Марјан Дејаноски ја доби довербата да ја дели правдата во Струмица каде се среќаваат Беласица и Кожуф, а покрај аут линиите ќе бидат Виктор Здравев и Иван Ивановиќ, а пак Дејан Младеновски е четврт судија.
Аки Шукрија е делегат на натпреварот во Струмица, а Васил Аџиев ќе биде контролор.
Во Виница ќе се игра мечот меѓу Слога и Вардар Неготино, каде Борче Павловиќ ќе биде главен судија, а ќе му помагаат Иле Мишески и Андреј Ќамилов, а Дарко Стојанов е четврт судија.
Ненад Маркоски е делегат, а Зоранчо Темелков ќе биде контролор.
Во Автокоманда се игра мечот меѓу Скопје и Каменица Саса, а главен судија ќе биде Фуркан Идризи, додека пак Имран Абази и Хабиљ Љиборека се помошници. Четврт судија на „Железарница“ ќе биде Бардхиљ Ибраими.
Зоран Перески ќе биде делегат на овој меч, а контролор е Драган Ристовски.
Дарко Котевски ќе биде главен судија на „Билјанини Извори“ каде играат Охрид и Преспа, а ќе му помагаат Дарко Василевски и Николе Николче Николовски, а пак Владимир Ѓорѓиевски е четврт судија.
Гоце Ефтимов е делегат на овој натпревар, а пак контролор е Зоранчо Илиевски.
Колото се затвара во недела со натпреварот меѓу Големо Коњари и Новаци, а главен судија ќе биде Димитар Левески, додека пак помошни судии ќе бидат Јован Анѓелкоски и Стефан Петрушевски, а Благојче Ралевски е четврт судија.
Делегат на натпреварот ќе биде Тихо Чурлиновски, а Орце Стефановски е контролор.
Сите натпревари ќе започнат во 15:30 часот.
