Утре со два мечеви се отвара 28. коло во Првата македонска фудбалска лига. Фудбалската федерација на Македонија (ФФМ) ги делегираше судиите за утрешните два меча.
Во Кратово ќе се игра мечот меѓу Силекс и Брера Струмица, главен судија на овој меч ќе биде Фатмир Бафто, негови помошници ќе бидат Мишо Ѓорѓиески и Климент Ристоски, а пак четврт судија ќе биде Александар Урошевиќ.
ВАР судија ќе биде Пларент Салихи, а пак АВАР судија е Фуркан Идризи, оператор за повторување на снимката е Петар Стојановски.
Делегат на овој меч кој стартува во 13 часот е Драган Блажовски, а пак контролор е Бранко Манојлоски.
Во Кавадарци со почеток од 15 часот започнува мечот меѓу Тиквеш и Шкендија, каде за правдата ќе биде задолжен Доне Ристовски, а ќе му помагаат Гоце Петрески и Дарко Видиниќ, а пак четврт судија е Кирил Смоквоски.
Во ВАР собата ќе бидат Игор Стојчевски и Мартин Петковски, а оператор за повторување на снимката е Деан Стефков.
Делегат на средбата ќе биде Расим Муминовиќ, а за контролор е определен Игор Ширилов.
