Ракометарите на Куманово продолжуваат со одличните настапи во плеј-аутот, откако на домашен терен го совладаа Пролет со 35-28 и ја продолжија победничката серија.
Домашниот состав уште од самиот старт го наметна ритамот и постепено ја градеше предноста, која во текот на второто полувреме достигна и осум гола разлика. Иако Пролет се обиде да се врати во финишот и ја намали негативата, Куманово не дозволи изненадување и сигурно го приведе натпреварот кон крај.
Со оваа победа, Куманово стигна до 15 бодови и се наоѓа на четвртата позиција на табелата, додека Пролет останува трет со 19 бодови.
Следниот предизвик за Куманово ќе биде гостувањето кај Струга, каде ќе се обиде да стигне до четврта победа во низа. Од друга страна, Пролет ќе бара враќање на победничките патеки во дуелот со Еурофарм Пелистер 2.
