Ресен имаше можност по долги години да следи второлигашки фудбал, но тоа траеше само една сезона, Преспа во сабота испаѓа во Трета лига – Југозапад по една година.
Ресенчани не издржаа долго во второлигашкото друштво, имаа епизодна улога и од следната сезона одново ќе биде дел од третолигашкото друштво во Југозападниот регион.
Преспа минатата година беше шампион во Трета лига – Југозапад, а во баражот за влез во Втора лига беше убедливо поразена од Слога Виница, која пак беше шампион на Трета лига – Исток. Во ждрепката од поразените екипи Преспа немаше среќа и извини, но потоа ланскиот прволигаш Беса кој испадна во Втора лига се откажа од натпреварување и Преспа на тој начин успеа да влезе во Втора лига.
Донекаде и тоа имаше влијание бидејќи Преспа немаше многу време да склопи тим и да се подготви за второлигашките предизвици.
В сабота Преспа ќе гостува на „Билјанини Извори“ каде ќе се соочи со тимот на Охрид, каде тимот од Ресен тешко дека може да дојде до триумф, па со тоа Преспа и официјално испаѓа во Трета лига – Југ.
