Општина Градско во соработка со ГФК Неготино најавува организација на нов детски фудбалски турнир кој има за цел да донесе свежина и радост во младинскиот фудбал.
Станува збор за „Стоби Куп 2026“, турнир кој за првпат ќе се одржи на 23 мај и ќе ги собере младите фудбалери од генерациите 2013 до 2018 година.
Организаторите очекуваат ден исполнет со детски насмевки, фер-плеј, спортски дух и многу возбудувања на теренот, каде младите таленти ќе имаат можност да ги покажат своите вештини.
Овој турнир претставува уште една потврда за сериозниот пристап и посветеност на ГФК Неготино, клуб и академија која важи за една од најорганизираните во регионот и која континуирано продуцира млади и перспективни фудбалери.
Во однос на натпреварувањето на „Стоби Куп“ генерации 2013/2014 ќе играат форма 8+1, генерации 2015/2016 ќе играат во формат 6+1, а генерации 2017/2018 ќе играат во формат 5+1. Ќе се игра едно полувреме од 30 минути.
Пријавувањето е отворено, а сите заинтересирани може да се пријават на 078/384-154.
Официјално Спортска Мрежа ќе биде медиумски покровител на првото издание на „Стоби Куп“, турнир кој ветува да стане нов традиционален настан, каде најмладите ќе го почувствуваат вистинскиот дух на фудбалот и ќе направат чекор напред во својот развој.
