Денес ќе бидат одиграни натпреварите од вонредното 14. коло на Првата женска фудбалска лига, а во рамки на оваа рунда слободна ќе биде екипата на Атлетико од Битола.
Шампионот Љуботен денес во 12 часот на домашен терен ќе се соочи со екипата на Речица, во меч каде домашниот тим е голем фаворит за трите бодови, особено за Љуботен овој меч е идеален за брзо враќање на победничките патеки по поразот од Каменциа Саса во претходното коло во Македонска Каменица.
Во 13 часот Ас Јунајтед на домашен терен ќе ја пречека мотивираната Каменица Саса во натпревар каде иако стружанки не се на нивото од претходната сезона, сепак на ваквите натпревари формата и моменталниот пласман на табелата одат во втор план, па Саса ќе ја очекува незгодно гостување.
Во 14 часот во Струмица непоразениот лидер Тиверија Брера ќе го пречека четвртопласираниот Скопје, меч кој може да кажеме и дека ќе биде дерби на колото бидејќи според квалитетот може да очекува неизвесен дуел, каде сепак струмичанки се тие кои ќе бидат фаворити за трите бодови.
Со допадлив фудбал, со најефикасен напад и најдобра одбрана Тиверија Брера сезоанва конечно сериозно конкурира за титула и на излез во Европа.
Во 14:30 часот Истатов ќе го пречека битолски Топ Гол. Домаќинот е на петтото место на табелата со 13 бодови, а со оглед на тоа што веќе првите четири екипи сериозно се одлепија од петтото место, Истатов ќе сака да биде сигурен во средината и да го сочува петтото место, додека пак Топ Гол е шестти со осум бодови и ќе сака триумф против Истатов во Скопје со цел да може да се доближи до петтото место.
