Ракометниот клуб Радовиш остана без тренер и капитен, откако Спасе Ѓоргиев и Здравко Постолов повеќе не се дел од клубот.
Како што информираше РК Радовиш причината била што двајцата се основачи на новиот клуб РК Феникс, за што веќе објави Спортска Мрежа, а според наши информации се работи за исклучително силен и голем проект, а управата на Радовиш ваквиот потег го смета за неетички, нефер и спротивен на основните спортски принципи.
Ѓоргиев заедно со Александар Долдуров пред две сезони кога никој не веруваше успеа да го врати клубот во Супер лигата, совладувајќи го Еурофарм Пелистер 2 во баражот одигран во Автокоманда, а следната сезона Ѓоргиев заедно со Долдуров го избори и опстанокот во елитата.
Ѓоргиев заедно со Долдуров се ракометни легенди за радовишкиот ракомет, кои дале многу, а сега започнуваат со нов предизвик. Од друга страна Постолов кој е меѓу најдобрите стрелци во лигата и најдобар стрелец на Радовиш во изминатите сезони ќе биде дел новиот клуб Феникс.
Како што веќе објави Спортска Мрежа, во структурите на РК Радовиш се проверени имиња, покрај Ѓоргиев, Долдуров и Постолов се и Игор Соколов и Љупчо Ѓорѓиев, кои се одлични познавачи на ракометот и имаат големо искуство.
Управата на Радовиш потегот за формирање на новиот клуб го оценуваат како неетички, нефер и спротивен на основните спортски принципи.
Радовиш сега ќе треба да бара нов тренер и капитен, во сезона кога клубот не освои ниту еден бод и се сели во Првата лига, а Спортска Мрежа наскоро ќе објави ексклузивни детали од тоа како РК Феникс ќе настапува, но според нашите информации се работи за сериозен проект.
