Има или нема криза, резултатска или од било кој друг вид, истата се заборава штом судиското свирче означи старт на најголемото фудбалско дерби во Македонија, Пелистер – Вардар.
Овој пат вечните ривали се соочуваат во Битола од 20:00 часот на стадионот „Петар Милошевски“ денеска Пелистер и Вардар ќе имаат уште една судбоносна средба. Исполнети се сите услови за нов фудбалски спектакл. Рефлектори, добра атмосфера на трибините , домашни, гостински навивачи и секако неопходни бодови на двете страни.
Победата е императив за двата ривали. Вардар за да и натаму биде лидер во шампионскиот поход и задржување на бодовната предност во однос на втортопласираната Шкендија, а кај Пелистер за да можат битолчани конечно малку да здивнат од заканата за преселба во понизок ранг..
Тоа што двата клуба во моментов се на дијаметрално спротивни страни на табелата, ниту значи ниту пак некогаш значело во овие дуели. Едноставно дербито е дуел во кој ама апсолутно ништо не е поважно од победата над вечниот ривал. И ништо помалку од тоа.
