Најдобрата македонска тенисерка Лина Ѓорческа ја мина првата пречка на ВТА 125 турнирот во Мадрид откако денеска ја победи Јапонката Сара Саито со 2:0 во сетови (6:4 и 6:4) за 90 минути игра. Во следното коло Ѓорческа ќе игра против Русинката Алина Корнеева (осма носителка), која со 2:0 во сетови (6:3 и 6:3) ја победи Шпанката Марија Гарсија.
На стартот од денешниот меч Ѓорческа и Саито загубија по два гема на свој сервис, а потоа македонската тенисерка дојде до предност од 4:3. Саито намали на 5:4 во гемови, но во следниот гем Ѓорческа по 14 одиграни поени ја искористи четвртата брејк-топка и поведе со 1:0 во сетови. Во следниот сет до 3:2 за Ѓорческа немаше брејк, а потоа во следните пет гема ниту една тенисерка не успеа да освои гем на свој сервис, а притоа Ѓорческа на свој сервис во деветтиот гем не ја реализираше првата меч топка. Но, во последниот гем на сервис на противничката на сигурен начин дојде до потребниот гем и го доби и вториот сет со 6:4.
Наградниот фонд на турнирот е 100.000 евра.
