Македонската атлетика доби историски ден на Националното првенство и куп натпреварите на 10.000 метри, кои вчера се одржаа на Националната арена „Тодор Проески“ во Скопје. Во центарот на вниманието беа Дарио Ивановски и Дарија Крстевска, кои со извонредни настапи поставија нови национални рекорди.
Во машка сениорска конкуренција, Дарио Ивановски уште еднаш потврди дека е во врвна форма. Тој доминираше на трката и заслужено го освои првото место со време од 29:07.11, со што го подобри досегашниот национален рекорд за 24 секунди. Неговиот настап беше сигурен и контролиран од самиот почеток, а силното темпо го задржа до самиот крај.
Одличен настап имаше и младата Дарија Крстевска, која во женска конкуренција го освои првото место кај сениорките, но и постави нов национален рекорд во категоријата до 20 години (У20).
Таа трката ја истрча со време од 40:14.11, подобрувајќи го претходниот рекорд за повеќе од две минути и триесет секунди – што претставува огромен напредок и показател за нејзиниот потенцијал.
ОХРИД КУП 2026 – ТУРНИР НА КОЈ СЕКОЕ ДЕТЕ ДОБИВА МЕДАЛ
Настапите на Ивановски и Крстевска се уште една потврда за напредокот на македонската атлетика, која добива нови имиња и резултати вредни за почит. Овие резултати не само што значат нови рекорди, туку и дополнителна мотивација за идните предизвици на меѓународна сцена.
