Младиот фудбалски талент на Македонија ЃП, Давид Вељаноски, го привлече вниманието на фудбалската јавност со спектакуларен погодок кој ретко се гледа на домашните терени.
На натпреварот од 18. коло во Скопската лига за генерација 2011, Вељаноски постигна вистинско ремек-дело – со прецизен и силен удар од околу 50 метри ја затресе мрежата на противникот, демонстрирајќи извонредна техника, визија и самодоверба.
Овој мајсторски потег беше клучен момент во победата на „лавовите“ од 3-1 на гостувањето кај Шкендија, во меч во кој избраниците на тренерот Туш Зефиќ одиграа квалитетно и заслужено ги освоија трите бода.
По одиграни 18 кола, Македонија ЃП се наоѓа на седмата позиција со 17 бодови, додека Шкендија е деветта со 15 бодови.
Вељаноски, роден на 19 јуни 2011 година, веќе важи за еден од најперспективните млади фудбалери во својата генерација, а ваквите потези се само најава за неговиот голем потенцијал и можната блескава кариера во иднина.
