Речиси сите го отпишаа Работнички за време на зимската пауза и не му предвидуваа добра пролет, но тимот од Дебар Маало се издигна и со серијата одлични резултати сега конкурира за директен опстанок во Првата македонска фудбалска лига.
Работнички има четири победи во низа за вкупно седум во тековната сезона и со 25 бодови го дели деветтото место заедно со Пелистер.
Работнички го доби Арсими со 1:0, потоа Башкими со 1:2 во гости, следуваше победа над Силекс од 2:0, а потоа и Струга со 1:2 во гости.
Во следното коло Работнички на домашен терен ќе игра против Шкендија, ако и тука слават дебармаалци тогаш дефинитивно на дофат е директниот опстанок, а во најлош случај бараж за опстанок.
Сега Работнички има шест бода од зоната за директен опстанок односно седмата позиција каде што е Брера Струмица со 31 бод.
