Ракометарите на Еурофарм Пелистер 2 стигнаа до нова победа во плеј-аут фазата од Суперлигата, совладувајќи ја екипата на РК Струга со убедливи 38-22, откако на полувреме резултатот беше израмнет 15-15.
Натпреварот започна израмнето, а гостите од Струга дури и имаа неколку предности во првиот дел, во еден момент и со три гола разлика (9-6). Сепак, младите пелистерци успеаја да се вратат резултатски, па со серија на голови го анулираа заостанувањето и на пауза се замина со нерешени 15-15.
Вториот дел донесе целосно различна слика на теренот. Битолчани одиграа на високо ниво, отворија со серија голови и постепено ја зголемуваа предноста. Средината на второто полувреме веќе донесе двоцифрена разлика, која до крајот дополнително се зголеми, за конечни и убедливи +16.
Најзаслужен за триумфот кај Пелистер беше Ненад Белистојаноски со максимални осум реализации (8/8), додека по шест погодоци постигна Баптист. Кај гостите од Струга, Наум Костов беше најрасположен со седум погодоци.
Со овој триумф, Еурофарм Пелистер 2 останува во врвот на плеј-аут табелата и продолжува со позитивниот ритам во борбата за конечниот пласман.
