По десет одиграни кола во Трета лига – Југозапад лидер на табелата е Преспа од Ресен со 25 бодови на своето конто. Овој тим има учинок од осум победи, едно реми и еден пораз со постигнати 22 погодоци за трет најефикасен напад и примени пет погодоци со што тимот од Ресен ја има најдобрата одбрана во лигата.
На второто место е Кораби од Дебар, поранешниот второлигаш, кој минатата сезона беше шампион во овој третолигашки регион, но не го помина баражот за Втора лига, откако загуби во баражот од Вардарски од Богданци, шампионот на Трета лига – Исток.
По десет кола Кораби има 24 бодови, односно само бод помалку од Преспа, со учинок од осум победи и два порази, со втор најефикасен напад кој постигнат 25 гола.
На третото место е Сатеска од Волино со 23 бодови на своето конто со скор од седум победи, две ремија и еден пораз, а нападот на Сатеска е најдобар со 37 постигнати погодоци, но благодарение на Никола Секулоски, кој е најдобар стрелец со 21 постигнат гол, што значи дека повеќе од половина головите ги постигнал токму Секулоски.
Но, ако се погледне табелата може да се воочи фактот што Секулоски дал повеќе голови од дури седум екипи.
Овие екипи сериозно влегуваат во борбата за првото место и баражот за Втора лига.
- ЦЕЛА ТАБЕЛА ОД ТРЕТА ЛИГА – ЈУГОЗАПАД:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК ПРЕСПА | 10 | 8 | 1 | 1 | 22 | 5 | +17 | 25 |
| 2 | ФК КОРАБИ | 10 | 8 | 0 | 2 | 25 | 15 | +10 | 24 |
| 3 | ФК САТЕСКА с.Волино | 10 | 7 | 2 | 1 | 37 | 21 | +16 | 23 |
| 4 | ФК ЕВРОТИП ОНЛАЈН | 10 | 5 | 1 | 4 | 19 | 13 | +6 | 16 |
| 5 | ФК КАРАОРМАН 2017 | 10 | 5 | 0 | 5 | 16 | 17 | -1 | 15 |
| 6 | ФК КРАВАРИ | 10 | 4 | 2 | 4 | 25 | 12 | +13 | 14 |
| 7 | ФК ВЛАЗНИМИ | 10 | 4 | 1 | 5 | 17 | 19 | -2 | 13 |
| 8 | ФК Велешта Унитед | 10 | 4 | 1 | 5 | 26 | 39 | -13 | 13 |
| 9 | ФК СВЕТА ТРОИЦА 2021 | 10 | 2 | 5 | 3 | 15 | 16 | -1 | 11 |
| 10 | ФК СЛАВЕЈ с.Мешеишта | 10 | 2 | 2 | 6 | 15 | 26 | -11 | 8 |
| 11 | ФК ДЕМИР ХИСАР | 10 | 2 | 1 | 7 | 13 | 18 | -5 | 7 |
| 12 | ФК СВЕТЛОСТ | 10 | 1 | 0 | 9 | 11 | 40 | -29 | 3 |
