Актуелниот бранител на Куп титулата Наковски Волеј обезбеди финале каде ќе се соочи со Вардар ЕМ за одбрана на Куп титулата.
Екипата на Наковски Волеј со 3:1 во сетови го доби штипски Младост УГД и со тоа тимот ќе има можност да ја брани титулата во големото финале.
Првите два сета ги доби Наковски Волеј со резултат од 25:20 и 25:22, а потоа Младост УГД го доби третиот сет со 22:25 за 2-1 во сетови.
Бранителот Наковски Волеј во четвриот сет беше максимално перфектен и со 25:12 го освои сетот и го исфрли штипскиот тим со што се чекираше во големото финале.
Вардар ЕМ во дебитантскиот настап на завршниот турнир успеа да стигне до големото финале откако славеше над Газели Волеј со 3:0 во сетови.
Освен во првиот сет кој заврши со 25:21 во останатите два сета доминираше Вардар ЕМ со 25:16 и 25:14.
Финалето се игра в сабота во СЦ „Јане Сандански“ во Скопје со почеток од 17:30 часот.
