Женскиот ракометен клуб Вардар ја прекина соработката со досегашниот стручен штаб на сениорската екипа, Анжела Платон и Александра Кузмановска, кои повеќе нема да бидат дел од клубот.
Од клубот им се заблагодарија на Платон и Кузмановска за досегашната работа и придонесот во изминатиот период, посакувајќи им многу успех во понатамошната тренерска кариера.
Воедно, ЖРК Вардар информираше дека за нов шеф на стручниот штаб на првиот тим е назначена Даниела Вељаноска-Новеска. За неа клубот е добро позната средина, со оглед на тоа што веќе работи со младинските категории.
Од Вардар изразуваат уверување дека нејзиното искуство и работа со младите ракометарки ќе придонесат за дополнителен развој и напредок на првиот тим во продолжението од сезоната.
