Вечерва стартуваше новата сезона во ЕРС (eFootball Pro Champions), а во која настапува екипата на ГФК Охрид Лихнидос, за што веќе ексклузивно објави Спортска Мрежа.
Како што претходно објавивме, ќе ги следиме сите натпревари на „рибарите“. Лигата се игра во популарниот 3 на 3 мод, а боите на ГФК Охрид Лихнидос ги бранат Иван Иванов – државен шампион во eFootball во Македонија, играч кој потекнува од Радовиш, како и Марко Дринаковиќ, Вук Алексиќ и Милорад Зовичевиќ.
Вечерва во рамки на првото коло тимот на Охриѓани одиграа 0:0 против црногорскиот тим Будуќност, меч кој понуди многу шанси на двете страни, неизвесности, но мрежите останаа мирни во текот на сите 90 минути.
Натпреварите може да се следат во живот на Arena eSport ТВ каналот, како и на нивниот официјален YouTube канал.
- ВО ПРОДОЛЖЕНИЕ ТАБЕЛАТА ПО ПРВОТО КОЛО:
Првото коло донесе исклучително квалитетни натпревари, пресврти и многу погодоци, Партизан стигна до голема победа откако ја доби голеадата со Тим Инсајдерс. По првото коло на дното е Тиквеш од Кавадарци.
Во следното коло Охрид ќе игра токму против Тиквеш – тоа ќе биде македонско дерби каде и двете екипи ќе ја бараат првата победа, а „рибарите“ ќе бидат фаворити.
