Денес беа одиграни седум од осум натпревари од фудбалскиот Куп на Македонија во женска конкуренција, каде фаворитите според планот обезбедуваат следна фаза од Купот.
Прволигашот Тиверија Брера го „здроби“ охридскиот второлигаш Билјанини Извори со убедливи и превисоки 21:0. Повеќе од јасна беше победата, но и секако квалитетот на страната на струмичкиот прволигаш, резултатот донекаде и беше очекуван.
Ива Јосифива и Розита Пецева постигнаа по четири гола, хет-трик постигна Павлинка Николовска. двојни стрелци беа Ане Бошеска, Викторија Недева, Слаѓана Ѓорѓиева, а два гола даде дури и голманката на Тиверија Брера, Викторија Панчурова. По едне гол постигнаа Стефанија Божинова и Ивана Илиева.
Со резултат од 21:0 актуелниот шампион Љуботен го декласираше второлигашот Порече од Македонски Брод. Ивана Иваноска си постигна автогол, а потоа Андреа Коловска постигна четири гола, Настасја Накова имаше три гола, по да гола постигнаа Александра Јовановска, Елена Симјанова и Ева Величкова, а по еден гол постигнаа Александра Марковска, Бојана Петкова, Хава Мустафа, Михаела Волческа, Ангела Ванеска, Ива Јованоска и Нина Миленковиќ.
Атлетико со 2:0 го доби второлигашот Кочани, кој на овој меч настапи со полн состав. Мелица Милица Димитриоска и Сара Слобоанка Димитриоска беа стрелци на двата гола за битолскиот прволигаш.
Ас Јунајтед со убедливи 7:0 сосема очекувано славеше над второлигашот Победа Валандово, откако Олса Орани постигна хет-трик, двоен стрелец беше Теодора Далческа, а по еден гол постигнаа Сара Дика и Лина Луканова.
Прволигашот Истатов преку двојните стрелци Радица Чонева и Ива Здравевска дојде до победа од 4:0 над радовишкиот второлигаш Плачковица.
Скопје преку двата гола на Бесарта Фида патува во четвртфиналето откако славеше над битолски Топ Гол со 2:0.
Висока победа на домашен терен забележа и тимот на Каменица Саса од 6:0 над Речица, откако Стефанија Веселинова и 21-годишната Бразилка Туане Де Соуза Фрагосо, по еден гол имаа голгетерката Ана Димиторвска, Вероника Гоцева и бугарската интернационалка Антонина Шопска.
Натпреварот меѓу Вардар и Борец не се одигра, бидејќи велешкиот тим не дојде на натпреварот, па тоа ќе значи и службен триумф за Вардар и следна фаза од Купот.
