Новиот третолигаш во северниот регион екипата на Пчиња ја заврши реконструкцијата на својот терен во село Пчиња, кумановско со што клубот се враќа натпреварите како третолигаш да ги игра на својот терен и пред својата публика.
Претседателот на клубот, Боби Маневски за Спортска Мрежа истакна дека е многу среќен што клубот ќе настапува дома и пред својата публика која тоа го заслужува.
„Најголемиот товар што го имав конечно ми се симна од срце конечно завршивме со реконструкција на нашиот терен пред влезот во Трета лига -Север, како претседател ветив дека ќе успеме и така се случи првин се израдував јас моите играчи и тренери. Пресреќен сум што ќе играме дома, нашата публика го заслужува тоа и нашето прекрасно македонско Село Пчиња. Уште еднаш ќе се заблагодарам на Генералниот спонзор Ристовски и се разбира и жителите на село Пчиња за финасиска помош и директна подршка за реализација. Затоа сега за викенд играме со ФК Беса од Слупчане која е сериозна екипа во Трета лига – Север, но ние пред домашна публика и жар ќе се обидеме да ги освоиме новите три бода и да излеземе од негатива и да се израдуваме сите. Еден спортски поздрав од мене за сите спортисти и една порака за мене животот е фудбал“, рече Маневски.
Викендот во рамки на 11. коло Пчиња на својот терен и пред својата публика ќе ја пречека Беса Влазрими во обид да дојде до трето славје против фаворитот кој е на делба на четвртото место.
