Поради рамазанскиот пост можно е одложување на стартот на пролетниот дел во Трета македонска фудбалска лига – Север.
Според информации на Спортска Мрежа, околу десетина клубови веќе поднеле барање до раководството на лигата за одложување на натпреварите од првото пролетно коло за една недела.
Поради рамазанскиот пост, клубовите побарале едно коло помалку во текот на месец март, бидејќи како што се наведува во барањето, постот значително влијае врз нивната физичка подготвеност и настап.
Наместо пролетната полусезона да започне овој викенд, на 1 март, постои можност стартот да биде поместен за 8 март.
Денеска е закажан состанок на кој ќе се разгледува доставеното барање од повеќе клубови, по што ќе биде познато дали пролетниот дел ќе стартува според планираното или ќе добие нов термин.
