Шкупи денес ќе се соочи со Арсими во обид да стигне до првиот позитивен резултат сезонава односно до првата радост. Чаирчани како што ја завршија 2025 година, така и ја отворија 2026 година – со порази. Обидите за спас на тимот од испаѓање ќе бидат тешки, бидејќи веќе само од бараж зоната разликата е 19 бодови.
Тренерот Алиса Виши верува во својот тим и потенцира дека дисциплината ќе биде клучен фактор за да се стигне до позитивен резултат.
„Како тренер, имам максимална почит кон противникот, но во овој натпревар влегуваме со целосна верба во нашите млади фудбалери. Работевме напорно во текот на целата недела и свесни сме дека фудбалот често ги наградува храброста, дисциплината и борбениот дух. Ќе се бориме за секоја топка и за секоја минута од натпреварот, давајќи го максимумот за клубот и за нашите навивачи“, заклучи Алиса Виши.
Натпреварот меѓу Шкупи и Арсими ќе се одигра на стадионот во Гостивар со почеток до 14 часот.
