СОСТАВИ: Шкендија со јасна стратегија против Самсунспор – Беќири верува во проверените сили

Македонскиот шампион Шкендија вечерва од 21 часот го пречекува турскиот претставник Самсунспор на Националната арена „Тодор Проески“ во Скопје, во важен европски предизвик.

Стартните состави се веќе познати, а стратегот Јетон Беќири се реши за состав кој во изминатиот период ја носеше играта на тетовци. Без многу калкулации, Шкендија ќе настапи со тим кој добро се познава и кој треба да донесе стабилност и сигурност во сите линии.

Од друга страна, Самсунспор пристигнува со амбиции да извлече позитивен резултат од првиот дуел, најавувајќи цврст и дисциплиниран настап во Скопје.

Се очекува интензивен натпревар со европски ритам, во кој домашниот состав ќе се обиде да ја искористи поддршката од трибините и да обезбеди предност пред реваншот.