Навивачката група „Мајмуни“ најави собир за четврток пред градскиот стадион во Прилеп со цел последните случувања околу фудбалскиот клуб Победа.
Собирот е закажан за во 14 часот, а навивачите се мобилизираат за Победа и како фудбалската гордост на Прилеп ќе продолжи во иднина.
Клубот пред неколку дена преку соопштение извести дека поради очајната финансиска состојба нема да продолжи со натпреварување, но клубот сè уште не ја има известено ФФМ дека нема да продолжи со натпреварување, а со тоа се буди и најмалата надеж дека Победа ќе продолжи со натпреварување.
Време многу нема, бидејќи Победа веќе во сабота треба да биде домаќин на Новаци во рамки на првото пролетно коло, но како тимот ќе продолжи е голем прашалник.
Изминатите денови информации од Прилеп говореа дека Победа ќе „скрпи“ тим со млади фудбалери и со фудбалери кои немаат ангажман, со цел да се доигра сезоната.
Останува да видиме што ќе донесе собирот на верните „мајмуни“ и кои ќе бидат следните чекори кон спас на фудбалскиот бренд Победа.
