Денес го Кочани се одигра пријателскиот натпревар со хуманитарен карактер за настраданите од големата трагедија која се случи во дискотеката „Пулс“ на 16 март минатата година.
Вардар беше подобар од Осогово со 1:4, а овој меч беше и „генералка“ за есенскиот шампион во ПМФЛ за продолжението од сезоната, а воедно и за Осогово кој ја проверува формата за пролетниот дел од ВМФЛ.
Мечот имаше многу емоции помеѓу сите кои беа на теренот, од фудбалери до навивачи, а во 63. минута натпреварот публиката оддаде почит за 63-те жртви со громогласен аплауз во знак и сеќавање за ангелите.
Резултатот е во втор план, но што се однесува во фудбалскиот дел. Осогово прв поведе преку младиот Христијан Поп-Антоски постигна гол од слободен удар за водство на „жетварите“. До крајот на првиот дел Вардар направи пресврт со 1:2 преку двата гола на Горан Закариќ.
Во вториот дел прволигашот постигна уште два гола за конечни 1:4, а стрелец на двата гола беше Филип Дурански.
Хуман гест на навивачката група „Комити“ кои го купиле дресот на Стојанчо Велинов кој го продаваше преку лицитација, а собраните средства ќе одат за хуманитарни цели. Дресот кој „Комити“ го купија го подариле на навивач на Осогово.
