Екипата на БВК Коњаре за пролетниот дел во Трета лига – Север ќе биде посилна со Гзим Бакиу и Никола Павлески, откако клубот ги претстави како нови зимски засилувања.
24-годишниот Бакиу во БВК Коњаре доаѓа од редовите на Куманово и всушност е повратник, бидејќи во период од август 2021 до февруари 2025 година го носеше дресот на БВК Коњаре.
Претходно низ неговата кариера беше дел од Башкими Љуботен, Вардар Форино, Струга Трим Лум, Велазерими од Кичево и Металург.
Павлески кој има 21 година во БВК Коњаре пристигна од прилепска Победа, а во минатото беше дел и од Вардар Неготино, Слога Виница, Македонија ЃП и Вардар од каде и ја започна кариерата.
Во пролетниот дел БВК Коњаре кој презимува на второто место ќе води пролетна борба за лидерот Еуромилк ГЛ за првото место, а со тоа и обезбедување на баражот за Втора лига.
