Нашата најдобрата македонска тенисерка Лина Ѓорческа стартуваше со победа на ИТФ 50 турнирот во Порто, кој се игра за награден фонд од 40.000 долари. Во првото коло од главниот турнир, Ѓорческа ја совлада Швајцарката Илена Ин-Албион со 2-0 во сетови (6:2, 6:3) за 76 минути.
Во првиот сет Лина направи два брејка, во шестиот и осмиот гем, што беше доволно за сигурни 6:2. Вториот сет донесе поинаков развој, откако ривалката направи брејк и поведе со 2:1, но Ѓорческа брзо се врати во ритам и со серија од четири освоени гема направи пресврт за водство од 5:2, по што го затвори сетот со 6:3.
Во следното коло Ѓорческа ќе игра против Германката Настасја Шунк, која во првата рунда беше убедлива против Португалката Миља Секуеира, победувајќи со 2-0 (6:2, 6:1). Натпреварот е закажан за четврток.
