Гоце Седлоски е нов тренер на Вардар, кој седнува на жешкото столче на најтрофејниот македонски фудбалски клуб.
Седлоски е дури четвртиот тренер на Вардар, кој доаѓа на местото на Срѓан Захариевски, кој вчера спогодбено се раздели со клубот, а претходно Вардар го водеше на почетокот од сезоната Горазд Михаилов, па Горан Петрески кој кратко се задржа.
50-годишниот стратег по вторпат ќе го води Вардар, откако и во минатото беше тренер на Вардар, а во својата тренерска кариера има работено како асистент и привремен селектор на Македонија, беше кормилар на Хоризонт Турново, Вардар, на Рига, Широки Бријег, вториот тим на Динамо Загреб, албанска Влазниа, Шкупи и Работнички во домашниот шампион.
Седлоски своето второ деби на клупата на Вардар ќе го има против неговиот поранешен клуб Шкупи на домашен терен.
Вардар е последен на табелата со осум бодови на своето конто, а в сабота одново ќе има тешко дерби против Шкупи во скопската пресметка каде ќе има голем притисок за триумф кој за Вардар би бил само трет, ако успее да триумфира.
