Во рамки на 4. коло од Првата одбојкарска лига во машка конкуренција освојувачот на Купот на Македонија со 0:3 во сетови го збриша тимот на Јанта Волеј.
Уште во првиот сет беше најавена големата победа откако штипјани истата ја добија со 7:25, а пак втората со 10:25. Во третиот сет Штип УГД беше подобар со 17:25.
Лирија на домашен терен со 3:0 во сетови (25:19, 27:25, 25:17) над Весна Пробиштип, а пак шампионот Струмица со 3:0 во сетови го декласираше Вардар или по сетови резултатот одеше (25:19, 25:19, 25:15).
Шкендија на домашен терен запиша убедлива победа од 3:0 во сетови или (25:11, 25:19, 25:12) над Македонија Џио, Универзитет Тетово со 3:0 го доби Скопје (25:16, 25:17, 25:19).
Работнички и Борец го одиграа најнеизвесниот меч откако истиот му припадна на гостинот со 2:3 по сетови (25:15, 16:25, 19:25, 25:20) (13:15).
Во однос на табелата Штип УГД е прв со максимални 12 бодови, Борец е втор со 11 бодови, трета е Шкендија која има девет бодови, Работнички е на 4. место со седум бодови, Струмица е петта со 6 бодов, но струмичани имаат одиграно само два натпревари (имаат два заостанати).
Универзитет Тетово има исто така шест бодови и се наоѓа на шесттото место со 6 бодови, Вардар е седми со пет бодови колку што има и Скопје кој е осми. Лирија има четири бодови за деветто место, Македонија Џио е десетта со три бодови, Сушево има еден бод и се наоѓа на 11-тото место, а пак екипите на Јанта Волеј (меч помалку) и Весна Пробиштип немаат бодови.
