По назначувањето на Гоце Седлоски за нов тренер на Вардар, кој ќе биде четврти во тековната сезона, веднаш со реакција се јави верната навивачка група „Комити“, која преку соопштение реагира и не го прифаќа Седлоски за нов тренер на Вардар.
Седлоски денес беше промовиран како нов тренер, кој доаѓа на местото на Срѓан Захариевски, кој вчера спогодбено се раздели со Вардар, а по поразот во македонското „ел класико“ од Пелистер со минимални 1:0.
„СЕДЛО – МРШ ОД ВАРДАР!
Гоце Седловски не смее и нема да биде тренер на ФК Вардар!
Човечкиот отпад кој уживаше во друштвото на убијците на нашиот брат Саздо, кој со огромно задоволство се радуваше на поразите на ФК Вардар и кој беше избркан од клубот во 2017 година поради сомнително работење, по кое е општо познат во јавноста, не заслужува да седне на црвено-црната клупа!Во сабота или седни на клупата на Слога Југомагнат, онаму каде што природно припаѓаш или воопшто не доаѓај. Вардар и Градскиот стадион во Скопје, за тебе веќе не постојат. Никогаш нема да ти биде простено!
Воедно ги повикуваме сите навивачи на клубот, сите оние кои беа во неделата во Битола, на баражите во Струмица и Кавадарци, но и на скалите пред стадионот, кога се испаѓаше, кога се боревме сами против сите, дур вакви гниди мирно си уживаа во своите провизиски комбинации и хоштаплерски зделки“, се вели во соопштението на Комити.
Седлоски и во минатото го водеше Вардар, а в сабота ќе го има своето второ деби на клупата на Вардар, а ќе дебитира против Шкупи, екипа која ја водеше Седлоски пред неколку години.
